لاہور: پاکستان تحریک انصاف کے چیئرمین عمران خان نے کہا ہے کہ جہانگیر ترین نیا پاکستان بنانے کی جانب سفر میں آپ ہمیشہ میرے شانہ بہ شانہ کھڑے ہوں گے۔
ٹوئٹر پر جاری بیان میں انصاف عمران خان نے کہا کہ ”جہانگیر ترین ! آپ کے پاس چاہے پارٹی عہدہ رہے یا نہ رہے، اور چاہے آپ پارلیمنٹ کے رکن رہیں یا نہ رہیں، مجھے فرق نہیں پڑتا، نیا پاکستان بنانے کی جانب سفر میں آپ ہمیشہ میرے شانہ بہ شانہ کھڑے ہوں گے“۔عمران خان نے کہا کہ نواز شریف اور جہانگیر ترین کے درمیان فرق یہ ہے کہ جہانگیر ترین اصولی موقف اختیار کرتے ہوئے عہدہ چھوڑ دیا لیکن نواز شریف اب بھی پارٹی کے سربراہ ہیں۔ان کا مزید کہنا تھا کہ اسی طرح نواز شریف کو کرپشن، منی لانڈرنگ، ٹیکس بچانے اور اثاثے چھپانے پر مجرم قرار دیا گیا جبکہ جہانگیر ترین کے خلاف کوئی مالی بے ضابطگی نہیں پائی گئی اور انہیں محض ٹرسٹ ڈیڈ کی تشریح پر نا اہل کیا گیا۔
JKT you have shown unswerving commitment to the cause of Naya Pakistan & worked with utmost dedication for our cause. For me it doesn't matter whether you hold a position in PTI or are in Parliament, you will always remain right next to me as we build Naya Pakistan InshaAllah.
— Imran Khan (@ImranKhanPTI) December 16, 2017
یاد رہے کہ گزشتہ روز سپریم کورٹ نے جہانگیر ترین کو آرٹیکل 62 ون ایف کے تحت تاحیات نااہل قرار دیا تھا جس کے بعد جہانگیر ترین نے پی ٹی آئی کے سیکریٹری خارجہ کے عہدے سے استعفیٰ دے دیا ہے۔