غزہ میں اسرائیلی حملوں میں مزید 13 فلسطینی شہید، ٹرمپ کا غزہ کی تعمیر کے لیے فنڈز دینے کا اعلان

غزہ: اسرائیلی فورسز نے ایک بار پھر غزہ کے علاقوں التفاح اور الزیتون پر حملے کیے، جس کے نتیجے میں مزید 13 فلسطینی شہید ہو گئے۔ اسرائیلی فوج نے غزہ شہر کے مشرقی محلے شجاعیہ میں بھی گولہ باری کی، جس سے شہر میں مزید تباہی ہوئی۔ 17 اکتوبر 2023 کے بعد غزہ میں شہدا کی تعداد 72 ہزار سے تجاوز کر گئی ہے۔

غزہ میں جاری بربریت کے باوجود، فلسطینی عوام رمضان المبارک کی تیاریوں میں مصروف ہیں۔ ایک فلسطینی فنکار نے تباہ شدہ دیواروں پر رنگوں کی مدد سے خوشیوں کے رنگ بھر دیے، تاکہ عید کی خوشیوں کو برقرار رکھا جا سکے۔

اس دوران، امریکی صدر ڈونلڈ ٹرمپ نے ایک بیان میں کہا تھا کہ غزہ کے لیے 5 ارب ڈالرز کے فنڈز فراہم کیے جائیں گے، جو غزہ کی تعمیر نو اور انسانی امداد کے لیے استعمال ہوں گے۔ یہ فنڈز غزہ بورڈ آف پیس کے رکن ممالک کی جانب سے فراہم کیے جائیں گے۔

ٹرمپ نے کہا کہ رکن ممالک نے بین الاقوامی استحکام فورس اور مقامی پولیس کے لیے اہلکار فراہم کرنے کا وعدہ کیا ہے۔ انہوں نے یہ بھی کہا کہ حماس کو طے شدہ معاہدے پر عمل کرنا ہوگا اور اسلحہ چھوڑنا ہوگا۔

امریکی صدر نے مزید کہا کہ غزہ بورڈ آف پیس تاریخ کا سب سے مؤثر بین الاقوامی ادارہ ثابت ہوگا اور اس بورڈ کا چیئرمین بننا ان کے لیے اعزاز کی بات ہے۔