اسلام آباد: وزیراعظم عمران خان نے جنوبی کوریا کے نو منتخب صدر یون سوگ یول کو مبارکباد پیش کرتے ہوئے پاک کوریا تعلقات مزید مستحکم کرنے کی خواہش کا اظہار کیا ہے۔
سماجی رابطے کی سائٹ ٹوئٹر پر وزیراعظم عمران خان کا کہنا ہے کہ یون سوگ یول کو جمہوریہ کوریا کا صدر منتخب ہونے پر مبارکباد پیش کرتا ہوں ، انہوں نے ٹوئٹ میں مزید کہا کہ پاک کوریا تعلقات مزید مستحکم کرنے کے خواہاں ہیں۔
جمہوریۂ کوریا کا صدر منتخب ہونے پر میں عزت مآب جناب یون سوک یی اول کو مبارکباد پیش کرتا ہوں۔ پاکستان اور جمہوریۂ کوریا کے مابین دوطرفہ تعلقات میں مزید استحکام کیلئے میں ان کے ساتھ ملکر کام کرنے کا خواہاں اور منتظر ہوں۔
— Imran Khan (@ImranKhanPTI) March 17, 2022
واضح رہے کہ جنوبی کوریا کے قدامت پسند رہنما یون سوگ یول ملک گزشتہ ہفتے سخت مقابلے کے بعد کامیابی حاصل کرکے ملک کے نئے صدر منتخب ہوئے ہیں۔ انہوں نے اپنی جیت کو ’عظیم جنوبی کوریائی عوام کی فتح‘ قرار دیدیا۔ انہوں نے کہا کہ وہ عوام کیلئے روزگار پر توجہ دیں گے اور ضرورتمندوں کو فلاحی خدمات بھی فراہم کریں گے۔
امریکی صدر جو بائیڈن نے بھی یون سک کو جنوبی کوریا کا صدر منتخب ہونے پر مبارکباد دی تھی اور تعلقات کو مزید وسعت دینے کی خواہش کا اظہار کیا ۔ْ
