واشنگٹن : امریکی صدر ڈونلڈ ٹرمپ نے ایک امریکی اخبار کی رپورٹ پر ردعمل دیا ہے، جس میں کہا گیا تھا کہ انہوں نے ایران کی جوہری تنصیبات پر اسرائیلی حملے کی منصوبہ بندی منسوخ کر دی۔ نیویارک ٹائمز کی رپورٹ میں یہ ذکر کیا گیا تھا کہ ٹرمپ نے ایران کے جوہری پروگرام کو محدود کرنے کے لیے مذاکرات کا راستہ اختیار کیا اور اسرائیل کے مجوزہ حملے کو روک دیا۔
اس رپورٹ کے بعد، ٹرمپ نے اپنی وضاحت دیتے ہوئے کہا کہ وہ یہ نہیں کہیں گے کہ اسرائیلی حملہ منسوخ کر دیا۔ انہوں نے مزید کہا کہ ایران کی جوہری تنصیبات پر فوجی کارروائی کے لیے انہیں جلدی نہیں ہے، کیونکہ انہیں یقین ہے کہ ایران کے پاس ایک عظیم ملک بننے کا موقع ہے۔
ٹرمپ نے اس بات پر زور دیا کہ ان کا پہلا آپشن ہمیشہ مذاکرات ہے۔ انہوں نے کہا کہ اگر دوسرا آپشن استعمال کیا گیا، تو یہ ایران کے لیے بہت برا ہوگا، اور ان کا خیال ہے کہ ایران بات چیت کے لیے تیار ہے۔
