لاہور : گزشتہ دنوں معروف اینکر پرسن اقرار الحسن کی دوسری شادی کی خبروں کے بعد سوشل میڈیا پر دوسری شادی کے حوالے سے بحث جار ی ہے اور اپنے کردار ’جان ریمبو‘ سے وجہ شہرت بننے والے اداکار افضل خان نے بھی دوسری شادی کی خواہش کا اظہار کرتے ہوئے کہا ہے کہ اللہ نے توفیق دی تو میں بھی دوسری شادی کروں گا۔
یہ بھی پڑھیں:دیپیکا پڈوکون کو انسٹاگرام کی مشہور ترین شخصیت ہونے کا اعزاز مل گیا
تفصیلات کے مطابق اداکار افضل خان نے اپنے ویڈیو پیغام میں اقرار الحسن کے لئے نیک خواہشات کا اظہار کرتے ہوئے کہا کہ اللہ نے توفیق دی تو وہ بھی دوسری شادی کریں گے۔
I added a video to a @YouTube playlist https://t.co/LneO6TCwfV Is Actor Rambo (Afzal Khan) doing second marriage??
— Lahore Rang (@LahoreRang) April 16, 2018
اس موقع پر ریمبو کی اہلیہ اداکارہ صاحبہ بھی ان کے ساتھ موجود تھیں تو اداکار نے موقع سے فائدہ اٹھاتے ہوئے اپنی اہلیہ سے پوچھا کہ میری دوسری شادی پر آپ کو کوئی اعتراض ہو گا تو صاحبہ نے جواب دیا کہ جی نہیں! مجھے کوئی اعتراض نہیں ہو گا۔
یہ بھی پڑھیں:معروف ٹی وی اینکر اقرار الحسن نے دوسری شادی کرلی
یاد رہے کہ اقرار الحسن نے دوسری شادی 5 سال قبل کی تھی تاہم وہ اب منظر عام پر آئی جس کی وجہ سے اینکر پرسن بعض حلقوں کی جانب سے تنقید کی زد میں تھے۔ جس پر انہوں نے ایک ویڈیو پیغام میں اپنا موقف پیش کیا اور دوسری شادی کی وضاحت پیش کی۔
یہ بھی پڑھیں:شاہد آفریدی کی اقرار الحسن کو دوسری شادی کی مبارکباد
قبل ازیں ان کی دوسری شادی کا تب پتہ چلا جب ایک ٹوئٹر صارف نے نیوز اینکر فرح یوسف کے ساتھ اقرار الحسن کی تصاویر پر سوال اٹھایا تھا تو اس وقت ان کی دوسری شادی کے بارے لوگوں کو پتا چلا تھا جبکہ پاکستان کرکٹ ٹیم کے سابق کپتان شاہد آفریدی نے بھی اقرار الحسن کو دوسری شادی کی مبارکباد دی تھی۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
