گوگل کا تیز رفتار جیمنائی 3 فلیش اے آئی ماڈل متعارف

کیلیفورنیا : گوگل نے نومبر 2025 میں جیمنائی 3 پرو متعارف کرایا تھا اور اب کمپنی نے اس کا جدید ورژن جیمنائی 3 فلیش پیش کیا ہے۔ جیسا کہ نام سے ظاہر ہوتا ہے، یہ ماڈل خاص طور پر تیز رفتار پر کام کرنے کے لیے تیار کیا گیا ہے۔ گوگل کا کہنا ہے کہ جیمنائی 3 فلیش اتنا تیز ہے کہ یہ بیشتر پروموٹس کے لیے گوگل سرچ جتنا ہی تیز محسوس ہوتا ہے۔

اب جیمنائی 3 فلیش گوگل کی جیمنائی ایپ میں ڈیفالٹ ماڈل کے طور پر استعمال ہوگا، جب کہ جیمنائی 3 پرو کے لیے تیز رفتار کی بجائے "تھنکنگ ماڈل" کا انتخاب کرنا ہوگا۔ گوگل نے وضاحت کی ہے کہ جیمنائی 3 پرو ابھی بھی ایڈوانسڈ میتھ اور کوڈنگ جیسے پیچیدہ کاموں کے لیے بہترین انتخاب ہے، لیکن کمپنی کا اعتماد ہے کہ فلیش ماڈل باقی تمام ضروریات کے لیے زیادہ بہتر ثابت ہوگا۔

دلچسپ بات یہ ہے کہ جیمنائی 3 فلیش جیمنائی 2.5 فلیش کے مقابلے میں نمایاں طور پر بہتر ہے، اور بعض ٹیسٹس میں یہ اوپن اے آئی کے جی پی ٹی 5.2 کے برابر بھی ثابت ہوا ہے۔ گوگل نے جیمنائی 3 فلیش کو اپنے سرچ کے اے آئی موڈ میں بھی ڈیفالٹ ماڈل کے طور پر متعارف کرایا ہے۔

گوگل کے مطابق، نیا اے آئی موڈ آپ کی ضروریات کو بہتر طریقے سے سمجھنے کے قابل ہوگا، اور آپ اس سے زیادہ پیچیدہ سوالات پوچھ سکیں گے جن کا جواب وہ آپ کی توقعات کے مطابق فراہم کرے گا۔ یہ تبدیلی گوگل کے اے آئی کے حوالے سے ایک اہم قدم ہے، جو صارفین کو زیادہ کارگر اور ذہین سروس فراہم کرنے کی جانب ایک اور پیش رفت ہے۔