امریکی نائب صدر جے ڈی وینس کا دورۂ سوئٹزرلینڈ منسوخ

واشنگٹن: امریکی نائب صدر جے ڈی وینس کا سوئٹزرلینڈ کا مجوزہ دورہ منسوخ کر دیا گیا ہے اور وہ آج ایران کے ساتھ متوقع مذاکرات کے لیے روانہ نہیں ہوں گے۔

وائٹ ہاؤس نے اس فیصلے کی تصدیق کرتے ہوئے کہا ہے کہ بعض انتظامی اور سفارتی معاملات تاحال طے نہیں ہو سکے، جس کے باعث دورہ فی الحال ملتوی کیا گیا ہے۔ تاہم امریکی قیادت نے واضح کیا ہے کہ جیسے ہی ضروری معاملات طے پا جائیں گے، وہ مذاکرات کے لیے روانگی کے لیے تیار ہے۔

ذرائع کے مطابق امریکہ اور ایران کے درمیان سوئٹزرلینڈ میں متوقع مذاکرات کا مقصد دونوں ممالک کے درمیان جاری اختلافات میں کمی لانے اور اہم علاقائی و بین الاقوامی امور پر بات چیت کو آگے بڑھانا تھا، تاہم موجودہ صورتحال کے باعث یہ ملاقات فی الحال نہیں ہو سکے گی۔

دوسری جانب سوئس حکام نے بھی اس بات کی تصدیق کی ہے کہ آج ہونے والے مذاکرات مؤخر کر دیے گئے ہیں، تاہم سوئٹزرلینڈ مستقبل میں ان مذاکرات کی میزبانی کے لیے بدستور تیار ہے۔

سفارتی حلقوں کا کہنا ہے کہ اگر دونوں ممالک کے درمیان باقی ماندہ معاملات جلد طے پا گئے تو مذاکرات کے نئے شیڈول کا اعلان آئندہ چند روز میں کیا جا سکتا ہے۔