توانائی کے بنیادی ڈھانچے پر حملے بے قابو نتائج کا سبب بن سکتے ہیں، ایرانی صدر

تہران: ایران کے صدر مسعود پزشکیان نے کہا ہے کہ توانائی کے بنیادی ڈھانچے پر حملے بے قابو نتائج کا سبب بن سکتے ہیں اور یہ صورتحال نہ صرف ایران بلکہ پوری دنیا کو متاثر کرے گی۔

صدر پزشکیان نے سماجی رابطے کی ویب سائٹ ایکس پر جاری بیان میں کہا کہ آج ساؤتھ پارس گیس فیلڈ کو نشانہ بنایا گیا اور ایران اس قسم کی کارروائیوں کی سخت مذمت کرتا ہے۔ انہوں نے کہا کہ امریکی اور اسرائیلی جارحانہ اقدامات نہ صرف ایران کے دشمنوں اور حامیوں کے لیے کچھ حاصل نہیں کریں گے بلکہ خطے کی صورتحال مزید پیچیدہ ہو جائے گی۔

ایرانی حکام کے مطابق، امریکی اور اسرائیلی فورسز نے ساؤتھ پارس گیس فیلڈ اور اس سے منسلک تنصیبات پر حملہ کیا، جس کے نتیجے میں عسلویہ کے قریبی علاقے میں موجود تیل اور پیٹرو کیمیکل تنصیبات بھی متاثر ہوئیں۔