لاہور:کمشنر لاہور کی سربراہی میں ٹیم عمران خان کے گھر کی تلاشی لینے کےلئے ان کے گھر میں داخل ہوگئی ہے ۔عمران خان کی لیگل ٹیم نے پولیس کو گھر کی تلاشی لینے کی اجازت دی ۔اس موقع پر میڈیااور وکلا کے نمائندے بھی موجود ہیں۔ کمشنر کی سربراہی میں ٹیم عمران خان سے ملے گی ۔
پولیس حکام کے مطابق عمران خان اور ان کی لیگل ٹیم سے بات چیت کی جارہی ہے ۔عمران خان اور ان کی لیگل ٹیم کی اجازت کے بعد ٹیم ان کے گھر کے اندرونی حصے میں جائے گی۔
میڈیا کی بڑی تعداد کی موجودگی میں انکی تسلی کروائی جارہی ہے
— PTI (@PTIofficial) May 19, 2023
18 مارچ کو دروازے توڑ کر زبردستی زمان پارک میں داخل ہوئے تھے۔
قانونی طریقہ سے آئیں گے تو آرام سے تسلی کروائیں گے pic.twitter.com/edqViydlCX
ٹی او آرز طے ہونے کے بعد عمران خان کے گھر کی تلاشی لی جائے گی۔ گذشتہ روز وزیر اطلاعت عامر میر کا نجی ٹی وی کے پروگرام میں بات کرتے ہوئے کہناتھا کہ کمشنر لاہور کی سربراہی میں ایک وفد 40 دہشت گردوں کی گرفتاری کے لئے زمان پارک جائے گا۔ اور کم از کم 400 پولیس اہلکار ان کے ہمراہ ہوں گے، عمران خان سے ملاقات کے بعد ٹی وی کیمروں کی مدد سے زمان پارک کی تلاشی لی جائے گی۔
