شاہین شاہ آفریدی کا اپنے بیٹے کے ساتھ کرکٹ پریکٹس کا دلچسپ لمحہ موشل میڈیا پر وائرل

اسلام آباد: قومی کرکٹ ٹیم کے فاسٹ باؤلر شاہین شاہ آفریدی نے اپنے ایک سالہ بیٹے عالیار کے ساتھ کرکٹ پریکٹس شروع کر دی ہے۔ انسٹاگرام پر شیئر کی جانے والی ویڈیو میں شاہین اپنے بیٹے کے ساتھ کرکٹ کھیلتے نظر آ رہے ہیں، جہاں عالیار اپنے والد کو آؤٹ کرنے کی کوشش کرتا دکھائی دے رہا ہے۔

ویڈیو میں ننھے باؤلر کی کوششیں دیکھ کر صارفین خوش ہو گئے ہیں، اور شاہین کے اس والدین کے حوالے سے محبت بھرا انداز پسند کر رہے ہیں۔ شاہین نے اس ویڈیو کے کیپشن میں لکھا، "ہمم…اپنے والد کو پیچھے چھوڑنے کی کوشش کر رہا ہے"۔

شاہین شاہ آفریدی کی شادی انشا آفریدی سے 3 فروری 2023 کو ہوئی تھی اور دونوں کے ہاں پہلے بیٹے عالیار کی پیدائش اگست 2024 میں ہوئی تھی۔