کرسٹیانو رونالڈو کے مداحوں کے لیے بڑی خوشخبری

پرتگال : عالمی شہرت یافتہ پرتگالی سٹار فٹبالر کرسٹیانو رونالڈو ایک مرتبہ پھر قومی ٹیم کی نمائندگی کے لیے تیار ہیں۔ پرتگال کے نئے ہیڈ کوچ جارجے جیسس نے انہیں آئندہ نیشنز لیگ کے میچز کے لیے سکواڈ میں شامل کر لیا ہے۔

رونالڈو کی ٹیم میں شمولیت اس بات کی نشاندہی کرتی ہے کہ 41 سالہ فٹبالر کا بین الاقوامی کیریئر جاری رکھنے کا ارادہ ہے اور وہ 2026 ورلڈ کپ کے بعد بھی پرتگال کی نمائندگی کرتے نظر آ سکتے ہیں۔

رونالڈو اور جارجے جیسس کے درمیان یہ دوبارہ ملاپ بھی خاص اہمیت رکھتا ہے۔ دونوں گزشتہ سیزن میں سعودی کلب النصر سے وابستہ رہے، جہاں جیسس کی کوچنگ میں رونالڈو نے پہلی مرتبہ سعودی پرو لیگ کا ٹائٹل جیتا۔ فیصلہ کن میچ میں النصر نے دامک کو 1-4 سے شکست دی، جبکہ رونالڈو نے دو گول سکور کیے تھے۔

پرتگال آئندہ 11 روز کے دوران نیشنز لیگ کے چار میچز کھیلے گا۔ قومی ٹیم کا پہلا مقابلہ 24 ستمبر کو ویلز کے خلاف ہوگا، جس کے بعد ناروے، ڈنمارک اور دوبارہ ناروے کے خلاف میچز شیڈول ہیں۔

رونالڈو اس وقت اپنے کیریئر کے 979 گولز مکمل کر چکے ہیں اور 1000 گولز کے تاریخی سنگِ میل سے صرف 21 گول دور ہیں۔ آئندہ بین الاقوامی میچز انہیں اس ریکارڈ کے مزید قریب پہنچنے کا موقع فراہم کریں گے۔

یاد رہے کہ پرتگال اس وقت نیشنز لیگ کا دفاعی چیمپئن بھی ہے۔