ایران نے امریکی ڈرون کو تباہ کر کے بہت بڑی غلطی کی ہے: امریکی صدر

نیویارک : امریکی صدر ڈونلڈ ٹرمپ نے کہا ہے کہ ایران نے امریکی ڈرون کو تباہ کر کے بہت بڑی غلطی کی ہے جس کی بھاری قیمت چکانا پڑے گی۔ 

امریکی صدر ڈونلڈ ٹرمپ نے ایران کو خبردار کیا ہے کہ اس نے امریکی ڈرون کو تباہ کر کے بہت بڑی غلطی کی ہے ، ایرانی ڈرون کو زمین سے فضا میں مار کرنے والے میزائل سے نشانہ بنایا گیا ہے جس کی فوٹیج بھی امریکہ کی جانب سے جاری کر دی گئی ہے ، امریکی ڈرون کو آبنائے ہرمز کے اوپر بین الاقوامی فضائی حدود میں نشانہ بنایا گیا ہے .

Iran made a very big mistake!

— Donald J. Trump (@realDonaldTrump) June 20, 2019

ڈرون یو ایس نیوی آر کیو فور اے گلوبل ہاک تھا ، ایران کے پاسداران انقلاب نے بھی دعویٰ کیا تھا کہ انھوں نے ایرانی فضائی حدود کی خلاف ورزی پر امریکی جاسوس ڈرون کو مار گرایا ہے۔

The US wages #EconomicTerrorism on Iran, has conducted covert action against us & now encroaches on our territory.

We don't seek war, but will zealously defend our skies, land & waters.

We'll take this new aggression to #UN & show that the US is lying about international waters

— Javad Zarif (@JZarif) June 20, 2019

دوسری طرف ایرانی وزیر خارجہ جواد ظریف نے سوشل میڈیا کی ویب سائٹ ٹوئیٹر پر موقف اپنایا کہ امریکہ ایران کے خلاف معاشی دہشتگردی کر رہا ہے ، ہم ہرگز کسی ملک سے جنگ نہیں چاہتے ہیں لیکن اگر جنگ مسلط کی گئی تو بھرپور جواب دینے کے لیے تیار ہیں ۔