فلمی موسیقی کی تاریخ کے سنہرے گیتوں کے خالق ،خواجہ پرویز کو مداحوں سے بچھڑے 14 سال ہوگئے

لاہور:پاکستان کے معروف نغمہ نگار، موسیقار اور فلمساز خواجہ پرویز کو آج ان کے مداحوں سے بچھڑے 14 برس مکمل ہو گئے ہیں۔ خواجہ پرویز نے 1950 کی دہائی سے 1990 کی دہائی تک اپنے طویل کیریئر میں اردو اور پنجابی زبان میں 10 ہزار سے زائد فلمی گانے تحریر کیے۔ ان کے الفاظ نے پاکستانی فلمی موسیقی کو ایک نیا رنگ دیا اور ان کے لکھے ہوئے گیت آج بھی سننے والوں کے دلوں کو چھو جاتے ہیں۔
خواجہ غلام محی الدین، جو خواجہ پرویز کے اصلی نام تھے، 1932 میں امرتسر کے ایک کشمیری گھرانے میں پیدا ہوئے۔ قیام پاکستان کے بعد لاہور میں بسنے والے خواجہ پرویز نے کئی مشہور فنکاروں جیسے نور جہاں، مہدی حسن اور استاد نصرت فتح علی خان کے ساتھ کام کیا۔
ان کا شمار ان نغمہ نگاروں میں ہوتا ہے جنہوں نے پاکستانی موسیقی کو عالمی شناخت دی۔ خواجہ پرویز 20 جون 2011 کو انتقال کر گئے، مگر ان کے نغمے آج بھی ہر تقریب اور محفل کی جان ہیں، اور ان کی برسی ہر سال احترام و عقیدت کے ساتھ منائی جاتی ہے۔