ایران کے خلاف ہماری پالیسی زیادہ مؤثر رہی:ٹرمپ کا دعویٰ

واشنگٹن: سابق امریکی صدر ڈونلڈ ٹرمپ نے اپنے تازہ سوشل میڈیا بیان میں ایران سے متعلق امریکی پالیسیوں اور سابق و موجودہ قیادت پر شدید تنقید کی ہے۔

ٹرمپ نے دعویٰ کیا کہ ان کی صدارت کے دوران امریکہ نے ایران کے خلاف مؤثر اقدامات کیے اور اس کی عسکری صلاحیتوں کو نقصان پہنچایا، جس کے باعث امریکہ کی خطے میں پوزیشن مضبوط ہوئی۔

انہوں نے سابق صدر  باراک اوباما پر تنقید کرتے ہوئے کہا کہ ان کی پالیسیوں کے دوران ایران کو مالی فوائد حاصل ہوئے اور اسے خطے میں زیادہ گنجائش ملی۔

اسی طرح ٹرمپ نے موجودہ صدر جو بائیڈن کو بھی تنقید کا نشانہ بناتے ہوئے انہیں کمزور قیادت قرار دیا اور کہا کہ ان کی پالیسیوں کے باعث امریکہ کی عالمی حیثیت متاثر ہوئی ہے۔ٹرمپ کے مطابق ایران کئی دہائیوں سے اپنی پالیسیوں پر قائم رہا ہے، تاہم ان کے دورِ حکومت میں صورتحال مختلف رہی اور امریکہ نے زیادہ سخت مؤقف اپنایا۔

یہ بیان امریکی سیاست میں ایک بار پھر خارجہ پالیسی اور ایران کے حوالے سے بحث کو تیز کر رہا ہے۔