ممکن ہے جلسے کی اجازت نہ ملے لیکن ہم ہائیکورٹ دوبارہ آئینگے،  ڈونلڈ لو کا معاملہ بالآخر سینیٹ کمیٹی میں جائے گا:شیر افضل مروت

اسلام آباد :پی ٹی آئی رہنما شیر افضل مروت کا کہنا ہے کہ ممکن ہے کہ ہمیں جلسے کی اجازت نہ ملے لیکن ہم ہائیکورٹ دوبارہ آئیں گے۔ پی ٹی آئی رہنما شیر افضل مروت نے اسلام آباد ہائی کورٹ کے باہر میڈیا سے گفتگو کے دوران کہاکہ   ممکن ہے کہ ہمیں جلسے کی اجازت نہ ملے لیکن ہم ہائیکورٹ دوبارہ آئیں گے۔
ان کا کہنا ہے کہ اسلام آباد ہائی کورٹ میں جلسے کی اجازت کے لیے درخواست پر سماعت ہوئی ہے، عدالت کی جانب سے انتظامیہ کو 2 دن میں درخواست پر فیصلہ کرنے کا کہا گیا ہے۔شیر افضل مروت نے مزید کہا ہے کہ جلسے کے لیے این او سی انتظامیہ نے دینا ہے، ڈونلڈ لو نے بھی یہی کہا ہے کہ انتخابات میں شفافیت کو دیکھا جائے۔
پی ٹی آئی رہنما کا یہ بھی کہنا ہے کہ ڈونلڈ لو کا معاملہ بالآخر سینیٹ کمیٹی میں جائے گا، وہاں وہ اس پر جواب دے گا۔