یومِ پاکستان پر خصوصی تحفہ: نیا ملی نغمہ ’’میری مٹی، میری جان، پاکستان زندہ باد‘‘ کا ٹیزر جاری

اسلام آباد: یومِ پاکستان کے پروقار موقع کی مناسبت سے ایک نیا اور ولولہ انگیز ملی نغمہ ’’میری مٹی، میری جان، پاکستان زندہ باد‘‘ تیار کر لیا گیا ہے، جس کا مختصر ٹیزر (Teaser) آج جاری کر دیا گیا۔ یہ نغمہ نہ صرف وطن سے محبت کا اظہار ہے بلکہ ان تمام قربانیوں کو بھی خراجِ عقیدت پیش کرتا ہے جو اس پاک مٹی کی خاطر دی گئیں۔
اس نغمے کا بنیادی مقصد نئی نسل کے دلوں میں حب الوطنی کی شمع کو مزید روشن کرنا ہے۔نغمے کے بول اور موسیقی کو اس طرح ترتیب دیا گیا ہے کہ یہ سننے والوں میں وطن کے لیے کچھ کر گزرنے کا جذبہ پیدا کرے۔ٹیزر میں دکھائے گئے مناظر ارضِ پاک سے وابستگی اور دفاعِ وطن کے لیے دی جانے والی عظیم قربانیوں کو اجاگر کرتے ہیں۔
یہ نغمہ ایک ایسے وقت میں جاری کیا جا رہا ہے جب قوم عید الفطر کی تیاریوں میں مصروف ہے۔ یہ نغمہ عید کی خوشیوں کے ساتھ ساتھ قومی فخر اور مادرِ وطن سے وابستگی کے احساس کو بھی دوبالا کرے گا۔ نغمے کے ذریعے پیغام دیا گیا ہے کہ پاکستان کی مٹی ہی ہماری اصل پہچان اور زندگی ہے، اور اس کا تحفظ ہم سب کی اولین ذمہ داری ہے۔ نغمے کی ٹیم کا کہنا ہے کہ "یہ محض ایک گیت نہیں بلکہ ہر پاکستانی کے دل کی آواز ہے، جو 'پاکستان زندہ باد' کے نعرے کو ایک نئی توانائی بخشے گا۔