لاہور :وزیر اطلاعات مریم اورنگزیب نے کہا ہے کہ عمرانی سرکس تمام چینل دکھارہے ہیں، کوریج ہی روکنا ہوتی تو تمام چینلز کو بند کرتے۔
ٹویٹر پر بیان میں مریم اورنگزیب نے مزید کہا کہ کسی ایک چینل کو بند کرنے کی کیا منطق ہے؟ یہ ڈرامے بند کریں۔ آپ کے جھوٹ پکڑے جاچکے ہیں۔ وزارت اطلاعات اور پیمرا نے کسی چینل کو نشریات سے نہ روکا ہے، نہ روکیں گے، فیصلہ عوام کریں گے۔
ویسے پوچھنا یہ تھا کہ اِس کو نہ دکھانے کی وجہ کیا ہو گی ???????????? pic.twitter.com/ldSzGC6lTQ
— Marriyum Aurangzeb (@Marriyum_A) April 21, 2022
انکا کہنا تھا کہ یہ پاکستان مسلم لیگ (ن) اور جمہوری اور آزادی اظہار پر پختہ یقین رکھنے والی جماعتوں کی حکومت ہے، پی ٹی آئی کی فسطائی اور عدم برداشت والی حکومت نہیں جس میں چینل ، پروگرام ، کالم بند ہوں،صحافیوں کو گولیاں ماری جائیں ، پسلیاں توڑی جائیں گرفتار کئے جائیں۔