انتخابات کسی سیاسی جماعت کا نہیں بلکہ پوری قوم کا مسئلہ ہے: سینیٹر فیصل جاوید خان 

اسلام آباد: پاکستان تحریک انصاف (پی ٹی آئی) کے سینیٹر فیصل جاوید خان نے کہا ہے کہ انتخابات کسی سیاس جماعت کا نہیں بلکہ پوری قوم کا مسئلہ ہے، 1970ءکے انتخابات کے علاوہ ایسا کبھی نہیں ہوا کہ دھاندلی کا الزام نا لگا ہو۔ 
سماجی رابطے کی ویب سائٹ ٹوئٹر پر جارپ اینے بیان میں پی ٹی آئی کے سینیٹر فیصل جاوید خان نے کہاکہ انتخابی اصلاحات، الیکٹرانک ووٹنگ، سمندرپار پاکستانیوں کو ووٹ کا حق دینا ناگزیر ہے، الیکٹرانک ووٹنگ شفافیت کی جانب ایک اہم قدم ہے، انتخابات میں شکست کھانے والا کھلے دل سے شکست قبول کرے گا۔

انتخابی اصلاحات-الیکٹرانک ووٹنگ-سمندر پار پاکستانیوں کو ووٹ کا حق دینا ناگزیر ہے۔1970 کے انتخابات کے علاوہ ایسا کبھی نہیں ہوا کہ دھاندلی کا الزام نہ لگا ہو۔الیکٹرانک ووٹنگ شفافیت کی جانب ایک اہم قدم ہے -ہارنے والا کھلے دل سےشکست قبول کریگا -الیکشن کسی پارٹی کا نہیں قوم کا ایشو ہے

— Faisal Javed Khan (@FaisalJavedKhan) June 22, 2021

انہوں نے کہا کہ حزب اختلاف ہرعوامی مفاد کی قانون سازی پر بارگین کرنا چاہتی ہے، اپوزیشن کی پوری کوشش ہوتی ہے عوامی قانون سازی کے بدلے کسی طرح سے این آر او لے لیں۔ اپوزیشن کی کوشش ہوتی ہے کہ نیب قوانین میں اپنی مرضی کی ترامیم کر پائیں، حزب اختلاف کو تعمیری کردار ادا کرنا چاہئے نہ کہ چھوئی موئی۔

حزب اختلاف ہر عوامی مفاد کی قانون سازی پر بارگین کرنا چاہتی ہے - انکی پوری کوشش ہوتی ہے کہ عوامی قانون سازی کے بدلے میں کسی طرح سے یہ وزیراعظم عمران خان سے این آر او لے لیں اور نیب قوانین میں اپنی مرضی کی ترامیم کر پائیں- حزب اختلاف کو تعمیری کردار ادا کرنا چاہیے نا کہ چھوئی موئی

— Faisal Javed Khan (@FaisalJavedKhan) June 22, 2021