اسحاق ڈار 5 روزہ دورے پر لندن پہنچ گئے، برطانوی حکام سے اہم ملاقاتیں طے

لندن: نائب وزیراعظم و وزیر خارجہ سینیٹر محمد اسحاق ڈار پانچ روزہ سرکاری دورے پر لندن پہنچ گئے ہیں۔ ان کا دورہ 24 سے 28 اگست 2026 تک جاری رہے گا۔ہیتھرو ایئرپورٹ پر برطانیہ میں پاکستان کے ہائی کمشنر ٹیپو عثمان نے نائب وزیراعظم کا استقبال کیا۔

دورے کے دوران اسحاق ڈار برطانوی وزیر خارجہ ایڈ ملی بینڈ اور پاکستان کے لیے ایف سی ڈی او کے وزیر مملکت اسٹیفن ڈوٹی سے ملاقاتیں کریں گے۔ اس کے علاوہ برطانوی حکومت کے دیگر اعلیٰ حکام سے بھی اہم ملاقاتیں متوقع ہیں۔
اسحاق ڈار دولتِ مشترکہ کی سیکرٹری جنرل شرلی ایورکور بوچوے سے بھی ملاقات کریں گے۔ذرائع کے مطابق دورے کے دوران پاکستان اور برطانیہ کے درمیان سفارتی تعلقات، بحری سلامتی اور دوطرفہ تعاون سے متعلق اہم امور زیرِ بحث آنے کا امکان ہے۔