اسلام آباد: بلاول بھٹو زرداری نے والدہ کے ساتھ سوشل میڈیا پروفائل پکچر شیئر کردی۔ واضح رہے کہ گزشتہ روز سینئر صحافی حامد میر کو انٹرویو میں آصف علی زرداری نے کہا تھا کہ بلاول کو ابھی سیکھنے کی ضرورت ہے اور انہیں بھی ٹکٹ میں خود دوں گا۔
بلاول بھٹو زرداری بغیر بتائے نجی طیارے پر دبئی روانہ ہوئے ہیں ۔ ابھی ان کی واپسی کے حوالے سے کوئی اطلاع نہیں ہے کہ وہ کب واپس آئیں گے۔ نئی تصویر میں سابق وزیراعظم شہید محترمہ بینظیر بھٹو کو بلاول بھٹو کے کندھوں پر ہاتھ رکھ کر مسکراتا ہوا دیکھا جاسکتا ہے۔
#NewProfilePic pic.twitter.com/lQr83F28kG
— BilawalBhuttoZardari (@BBhuttoZardari) November 24, 2023
بلاول بھٹو زرداری نے گزشتہ روز دیر میں جلسے سے خطاب میں 70 سالہ بوڑھے سیاستدانوں کو گھر بیٹھنے کی تجویز دی تھی.
