شاہد آفریدی اپنے ہی بیان سے مکر گئے

کراچی :  بوم بوم شاہد آفریدی کا مزاج بھی موسم کی طرح بدلتا ہے ، بوم بوم نے موسم گرما میں بیان دیا کہ پاکستان میں کرکٹ کا ٹیلنٹ نہیں ہے ، اب کہتے ہیں کہ بہت زیادہ ٹیلنٹ موجود ہے ۔ شاہد آٖفریدی کا ایک اور یوٹرن ، بوم بوم اپنے ہی بیان سے مکر گئے ۔ پشاور میں میڈیا سے گفتگو کرتے ہوئے سابق کپتان نے خوب چھکے لگائے ۔

پی سی بی پر برسنے کے بعد شاہد آفریدی کا کہنا تھا کہ پاکستان میں سپورٹس کا بہت ٹیلنٹ ہے ۔ رواں برس جولائی میں شاہد آفریدی نے یہ کہ کر ریٹائرمنٹ لینے سے انکار کر دیا تھا کہ نیا ٹیلنٹ سامنے نہیں آرہا ۔ شاہد آفریدی کا بیس سالہ کیرئیر تنازعات کا شکار رہا ، ورلڈ ٹی ٹونٹی میں شکست کے بعد بوم بوم کے کیرئیر کا سورج غروب ہوگیا ۔