پی ٹی آئی کے ترجمان فواد چودھری کو گرفتار کرلیا گیا

اسلام آباد: پاکستان تحریک انصاف کے رہنماؤں کا دعویٰ ہے کہ پارٹی رہنما فوادچودھری کو نامعلوم افراد نے ان کے گھر سے حراست میں لے لیا ہے۔فواد چودھری کو اسلام آباد پولیس نے لاہور سے گرفتار کیا ہے۔

 
پولیس ذرائع کا کہنا ہے کہ فواد چودھری کو ٹھوکر نیاز بیگ کے قریب ان کی رہائش گاہ سے گرفتار کیا گیا ہے، انہیں اسلام آباد لےجایا جائےگا۔

پی ٹی آئی رہنما فرخ حبیب نے فواد چودھری کی حراست کے حوالے سے اپنے ٹوئٹ میں بتایا کہ فواد چودھری کو ان کے گھر سے گرفتار کرلیا گیا ہے۔ امپورٹڈ حکومت بوکھلاہٹ کا شکار ہوگئی ہے۔

فواد چوہدری کو پولیس نے ان کے گھر سے ابھی گرفتار کرلیا ہے۔ امپورٹڈ حکومت بوکھلاہٹ کا شکار ہوگئی ہے

— Farrukh Habib (@FarrukhHabibISF) January 25, 2023

فرخ حبیب نے اپنے دوسرے ٹوئٹ میں ایک ویڈیو بھی شیئر کی ہے جس میں انہوں نے دعویٰ کیا ہے کہ یہ وہ پولیس کی گاڑیاں ہیں جو فواد چوہدری کو گرفتار کرکے لے جارہی ہیں۔

https://twitter.com/FarrukhHabibISF/status/1618049222951174144
 

فرخ حبیب نے ایک اور ویڈیو شیئر کی جس میں ان کا دعویٰ ہےکہ پولیس وین نے اس گاڑی کا راستہ بلاک کردیا ہے جو فواد چودھری کو لے جانے والی گاڑیوں کا پیچھا کر رہی تھی اور ویڈیو بنا رہی تھی۔ 

فواد چوہدری کو اغوا کرنے کے بعد پولیس سکواڈ نے گاڑی کو بلاک کردیا تاکہ ان کا تعاقب نہ کا جاسکے اور فواد کو نامعلوم مقام پر منتقل کردیا جائے۔
پاکستان کی اعلی عدلیہ کو نوٹس لینا چاہئے اور فواد چوہدری کو فوری برآمد کروایا جائے۔ pic.twitter.com/JNOCYMZ85m

— Farrukh Habib (@FarrukhHabibISF) January 25, 2023

دوسری جانب فواد چودھری کی گرفتاری کے حوالے سے کیے گئے دعوے کی ابھی تک تصدیق نہیں ہوسکی ہے۔