اسلام آباد:پاکستان تحریک انصاف (پی ٹی آئی ) کے ممبران کے استعفوں پر الیکشن کمیشن نے فیصلہ سنا دیا۔
ذرائع کے مطابق الیکشن کمیشن نے تحریک انصاف کے43 ارکان کو ڈی نوٹیفائی کردیا ہے ، اسپیکر قومی اسمبلی راجا پرویز اشرف نے گزشتہ روز پی ٹی آئی کے باقی ماندہ ارکان کے استعفے منظورکئےتھے ،اب تک مجموعی طور پر 124ارکان کے استعفے منظور ہوچکے ہیں چھٹی پر ہونے کے باعث دوارکان کے استعفوں کی منظوری نہیں دی گئی ۔قومی اسمبلی میں تحریک انصاف کے منحرف ارکان ہی باقی بچے ہیں۔
واضح رہے کہ اسپیکر قومی اسمبلی نے پاکستان تحریک انصاف (پی ٹی آئی ) کے 43 ارکان کے استعفے منظور کرکے الیکشن کمیشن کو بھجوائے تھے۔
