پاکستانی ٹیم اور ویسٹ انڈیز کے درمیان ٹی 20 سیریز امریکہ میں ہوگی

لاہور : پاکستانی کرکٹ ٹیم بنگلا دیش کے ہاتھوں ٹی 20 سیریز ہارنے کے بعد اب ویسٹ انڈیز کے خلاف تین میچز کی ٹی 20 سیریز کھیلنے کے لیے امریکہ جائے گی۔

پاکستان کا ٹی 20 اسکواڈ دو حصوں میں ڈھاکہ سے دبئی روانہ ہوگا، جہاں سے ٹیم امریکہ کے لیے پرواز کرے گی۔ پہلا گروپ کل رات جبکہ دوسرا گروپ پرسوں دبئی جائے گا۔

پاکستان اور ویسٹ انڈیز کے درمیان سیریز کے تین میچ 31 جولائی، 2 اگست اور 3 اگست کو فلوریڈا میں کھیلے جائیں گے۔ یاد رہے کہ پاکستان کو بنگلا دیش کے خلاف سیریز میں 2-1 سے شکست کا سامناہوا تھا۔