کراچی : جناح اسپتال میں خاتون کی لاش چھوڑنے کے معاملہ میں پیش رفت ہوئی ہے۔ متوفیہ کی ساس کا بیان سامنے آگیا ۔ خاتون کے مطابق عائشہ دوست کی سالگرہ پارٹی میں بتا کر گئی تھی،بیٹا عادل نشے کا عادی ہے اسے واقعے کا علم نہیں ۔ گھر بھی نہیں آیا۔
متوفیہ عائشہ کی ساس کا کہنا ہے کہ ٹی وی پر واقعہ دیکھ کرپنجاب سے یہاں پہنچی ۔ بیٹے کا نام عادل ہے جو بیوی کے ساتھ گلستان جوہر میں رہتا ہے۔ بیٹا کراچی میں ڈرائیوری کرتا ہے ۔ عائشہ میری کزن کی بیٹی تھی اور تعلق پنجاب سے ہے ۔
بیان میں مزید کہا گیا ہے کہ عائشہ کی والدہ کا انتقال ہو گیا ہے والد ہوٹل چلاتے ہیں /عادل اپنی بیوی کے ہمراہ چھ ماہ سے کراچی میں رہتا ہے۔ دونوں کی پسند کی شادی تھی ، شادی کو ڈھائی سال ہو گئے ۔
