ممبئی: بھارتی ٹیلی ویژن کی اداکارہ اناگھا بھوسلے نے شوبز چھوڑنے کا اعلان کر دیا۔
بھارتی میڈیاکے مطابق اداکارہ اناگھا بھوسلے نے مذہب کی خاطر شوبز سے علیحدگی اختیار کرنے کا فیصلہ کیا ہے، انہوں نے اس حوالے سے اپنے انسٹا گرام اکاؤنٹ پر پوسٹ بھی شیئر کی۔
View this post on Instagram
بھارتی ٹی وی کے مشہور شو انوپما میں نندنی کا کردار کرنے والی اداکارہ نے اپنی پوسٹ میں شوبز سے دوری اختیار کرنے اور مذہبی اصولوں کے مطابق زندگی گزارنے کے فیصلے کا ذکر کیا، انہوں نے معروف شو میں عوام سے ملنے والی محبت اور تعاون پر ان کا شکریہ ادا کیا اور اپنے مداحوں کو باقاعدہ طور پر فلم اور ٹیلی ویژن انڈسٹری چھوڑنے کے فیصلے کی خبر دی اور ساتھ ہی مداحوں کو ان کے فیصلے پر تعاون کی امید کا بھی اظہار کیا۔
