سکولوں کی سردیوں کی تعطیلات 8 دسمبر سے شروع ہوں گی

امارات: متحدہ عرب امارات کی وزارتِ تعلیم نے اعلان کیا ہے کہ ملک بھر کے سکولوں میں طلبہ کی سردیوں کی تعطیلات 8 دسمبر 2025 سے شروع ہو کر 4 جنوری 2026 تک جاری رہیں گی۔

اس دوران تدریسی اور انتظامی عملے کی چھٹیاں 15 دسمبر سے شروع ہوں گی۔ میک اَپ امتحانات 8 سے 12 دسمبر کے درمیان منعقد ہوں گے، جبکہ اسی دوران اساتذہ تیسرے مرحلے کی پیشہ ورانہ تربیت میں حصہ لیں گے۔

دوسرے سمسٹر کا آغاز 5 جنوری 2026 کو ہوگا، اور پہلے سمسٹر کے نتائج 7 سے 9 جنوری کے درمیان جاری کیے جائیں گے۔ تعلیمی سال میں مجموعی طور پر تین سمسٹر شامل ہوں گے، جن میں 178 تدریسی دن ہوں گے اور سال کا اختتام 26 جون 2026 سے پہلے نہیں ہوگا۔

وزارتِ تعلیم کا کہنا ہے کہ شیڈول طلبہ اور اساتذہ کو امتحانات، تربیت اور تعطیلات کے لیے مناسب وقت فراہم کرنے کے لیے ترتیب دیا گیا ہے، جبکہ تعلیمی سال کا تسلسل بھی برقرار رہے گا۔