وزیراعلیٰ پنجاب مریم نواز شریف کا کرسمس انتظامات پر اطمینان کا اظہار

لاہور : وزیراعلیٰ پنجاب مریم نواز شریف نے صوبہ بھر میں کرسمس کی تقریبات کے بہترین انتظامات پر اطمینان کا اظہار کیا ہے۔ انہوں نے اس حوالے سے انتظامیہ اور پولیس کی کاوشوں کو سراہا اور انہیں شاباش دی۔

مریم نواز شریف نے کہا کہ پنجاب بھر میں کرسچین برادری کا بے خوفی اور بغیر کسی خوف کے کرسمس منانا باعث اطمینان ہے۔ "ہمیں خوشی ہے کہ آج پنجاب میں ہر اقلیت خود کو محفوظ محسوس کرتی ہے"، انہوں نے مزید کہا۔

وزیراعلیٰ نے اس بات پر بھی زور دیا کہ ہر اقلیت کا تحفظ اور مساوی حقوق پنجاب کی گڈ گورننس کا اہم حصہ ہیں۔ مریم نواز شریف نے کہا، "پاکستان میں ہر فرد کرسچین کمیونٹی کی خوشیوں میں شریک ہے، جب کہ انڈیا میں انتہا پسند کرسمس منانے پر حملے کرتے ہیں۔"