ارباب غلام رحیم کو وزیراعظم کا معاون خصوصی بنانے کا فیصلہ

کراچی : وزیر اعظم عمران خان نے سابق وزیراعلیٰ سندھ ارباب غلام رحیم کو معاون خصوصی بنانے کا فیصلہ کرلیا ہے۔ 

نیو نیوز کے مطابق ارباب غلام رحیم پولیٹیکل افیئرز سندھ پر وزیراعظم  عمران خان کی معاونت کرینگے۔ارباب غلام رحیم کی تقرری کا نوٹیفکیشن جلد جاری ہونےکا امکان ہے۔

ذرائع کے مطابق سابق وزیراعلیٰ سندھ ارباب غلام رحیم سندھ میں تحریک انصاف کی تنظیم نو کے معاملات سمیت ہم خیال جماعتوں سے رابطے بھی کریں گے۔