اسلام آباد: پانامہ کیس میں خاموشی پر عمران خان کو کس نے دس ارب روپے کی پیش کش کی ، مسلم لیگ نون کا نام بتانے کیلئے اصرار بڑھ گیا ، کپتان نے نام ظاہر کرنے سے انکار کردیا ، دانیال عزیز کہتے ہیں عمران خان جھوٹے ہیں۔
سوال 10 ارب کا کس نے پیشکش کی ؟ کس نے خاموشی کی قیمت لگائی ؟ کپتان نام بتائیں ، مسلم لیگ نون نے جواب مانگ لیا ۔
دانیا ل عزیز نے اصرار کیاکہ یا تو عمران خان آفر کرنے والے کا نام بتائیں ، یا تسلیم کریں ، وہ جھوٹ بولتے ہیں ، ان کا ایک ایک جھوٹ ثابت کرکے دکھائیں گے۔
عمران خان کا کہنا ہے کہ 10 ارب کی پیش کش کرنے والا شہبازشریف ، حمزہ شہباز اور ان کا مشترکہ دوست تھا لیکن وہ نام نہیں بتائیں گے۔ دانیا ل عزیز سے پہلے مریم نواز سمیت دیگر لیگی رہنما بھی کپتان کے دعویٰ کو جھوٹ قرار چکے ہیں۔