کینبرا: آسٹریلیا کے ساحل کے قریب ملٹری ہیلی کاپٹر گر کرتباہ ہوگیا، ہیلی کاپٹر میں 20 امریکی میرینز سوار تھے۔تین ہلاک اور 5 شدید زخمی ہوگئے۔
خبرایجنسی کے مطابق ہیلی کاپٹر میں20 امریکی میرینز سوار تھے، جو جنگی مشقوں کا حصہ تھا۔ حادثہ آسٹریلیا، امریکا، مشرقی تیمور، انڈونیشیا اور فلپائن کی سالانہ مشقوں کے دوران پیش آیا۔
آسٹریلین ڈیفنس فورس (اے ڈی ایف) نے کہا کہ ہیلی کاپٹر میں کوئی آسٹریلوی اہلکار سوار نہیں تھا۔ 3 امریکی فوجی ہلاک اور باقی زخمی ہوئے ہیں جن میں سے 5 کی حالت تشویشناک ہے۔
