پاکستانی کپتان تینوں فارمیٹ میں ٹاپ تھری پر آنیوالے دنیا کے واحد بیٹر بن گئے

لندن: آئی سی سی ٹیسٹ رینکنگ میں بابراعظم چوتھے سے تیسرے نمبر پر آگئے ۔ پاکستانی کپتان تینوں فارمیٹ کے ٹاپ تھری میں شامل واحد بیٹسمین ہیں ۔

ون ڈے اور ٹی ٹوئنٹی میں ان کا پہلا نمبر ہے ، ٹیسٹ رینکنگ میں عبداللہ شفیق 26 درجہ بہتری کے بعد 16ویں نمبر پر آگئے ہیں ، بولرز میں شاہین آفریدی کی پوزیشن ایک درجہ بہتر ہوئی ، وہ چوتھے سے تیسرے نمبر پر آگئے ہیں ۔

دوسری جانب ، گال ٹیسٹ میں پاکستانی ٹیم 508 رنز کے ہدف کا تعاقب کر رہی ہے ۔ دوسری اننگز میں پاکستان نے ایک وکٹ پر 89 رنز بنائے ہیں ۔ کھیل کو خراب روشنی کی وجہ سے روک دیا گیا ہے ۔

امام الحق 46 اور کپتان بابر اعظم 26 رنز بنا کر ناٹ آؤٹ ہیں ، عبداللہ شفیق 16 رنز بنا کر آؤٹ ہوئے ، اس سے پہلے سری لنکا نے دوسری اننگز 360 رنز پر ڈیکلیئر کر دی تھی ۔