پاکستان سٹاک مارکیٹ میں تیزی کا نیا سنگِ میل: ہنڈرڈ انڈیکس 1 لاکھ 53 ہزار کی حد عبور کر گیا

کراچی: پاکستان اسٹاک ایکسچینج میں آج کاروباری سرگرمیوں کے دوران زبردست تیزی کا تسلسل برقرار رہا، جس کے نتیجے میں کے ایس ای 100 انڈیکس نے تاریخ کی نئی بلند ترین سطح کو چھو لیا ہے۔مارکیٹ میں ٹریڈنگ کے آغاز سے ہی مثبت رجحان دیکھا گیا اور انڈیکس میں 600 پوائنٹس کا نمایاں اضافہ ریکارڈ کیا گیا۔ اس تیزی کے باعث ہنڈرڈ انڈیکس 1 لاکھ 53 ہزار 508 کی سطح پر پہنچ گیا، جو سرمایہ کاروں کے مضبوط اعتماد کی عکاسی کرتا ہے۔
معاشی ماہرین کا کہنا ہے کہ مارکیٹ میں اس غیر معمولی اضافے کی بنیادی وجہ ملکی معیشت میں بہتری کے آثار اور مختلف شعبوں میں کارپوریٹ سیکٹر کے بہتر نتائج ہیں۔ ٹریڈنگ کے دوران خاص طور پر بینکنگ اور سیمنٹ کے شعبوں میں شیئرز کی قیمتوں میں اضافہ دیکھا گیا۔
تجزیہ کاروں کے مطابق، انڈیکس کا 1 لاکھ 53 ہزار کی نفسیاتی حد کو عبور کرنا ایک مثبت اشارہ ہے، جس سے آنے والے دنوں میں مزید غیر ملکی سرمایہ کاری کی راہ ہموار ہو سکتی ہے۔