کراچی: پاکستان شوبز انڈسٹری کی معروف اداکارہ ارمینا خان کے والد انتقال کر گئے۔
سماجی رابطوں کی ویب سائٹ پر اعلان کرتے ہوئے اداکارہ ارمینا خان نے اپنے والد محترم کے انتقال کی خبر اپنےمداحوں کودی۔ اداکارہ نے والد کی مغفرت کیلئے دعا کی اپیل بھی کی۔
a3cf8a3048e00d4436c1ea6314cc3e51
ارمینا خان نے پوسٹ شیئر کرتے ہوئے لکھا ہے کہ میں نے اپنے والد کو کھو دیا ہے، انا لِلّٰہ وانا اليہ راجعون، براہِ مہربانی اپنی دُعاوْں میں انہیں یاد رکھیں۔
انہوں نے اپنے مرحوم والد کے لیے دعا کرتے ہوئے لکھا ہے کہ اللّٰہ تعالیٰ انہیں جنت الفردوس میں اعلیٰ مقام عطاء کریں۔
ارمینا خان کی سوشل میڈیا پوسٹس پر ساتھی فنکاروں، مداحوں اور فالوورز کی جانب سے اظہارِ افسوس و تعزیت کا سلسلہ جاری ہے۔
واضح رہے کہ اداکارہ نے اپنی سوشل میڈیا پوسٹس میں یہ واضح نہیں کیا کہ اُن کے والد کا انتقال کیسے ہوا۔
