پاکستان کا بھارت سے ملنے والی فضائی حدود دو روز کے لیے بند کرنے کا فیصلہ

کراچی : پاکستان نے بھارت کے ساتھ اپنی فضائی حدود کو دو روز کے لیے بند کرنے کا فیصلہ کیا ہے۔ پاکستان ایئرپورٹ اتھارٹی نے تمام ایئر لائنز اور ایوی ایشن کمپنیوں کو نوٹم جاری کرتے ہوئے بتایا کہ 28 اور 29 اکتوبر کو صبح 6 بجے سے 9 بجے تک فضائی حدود بند رہے گی۔ اس دوران کمرشل پروازوں کو مخصوص احتیاطی تدابیر اختیار کرنے کی ہدایت دی گئی ہے۔

نوٹم کے مطابق کراچی اور لاہور فلائٹ ریجن میں مخصوص روٹس پر کمرشل پروازوں کے لیے فضائی حدود بند رہیں گی۔ پاکستان کی جانب سے یہ فیصلہ بھارتی فوجی مشقوں کے پیش نظر کیا گیا ہے، جو سرحد کے قریب متوقع ہیں۔

فضائی حدود کی بندش کے دوران ایئر لائنز کو پروازوں کے روٹس میں تبدیلیاں کرنا پڑیں گی، اور مسافروں کے لیے کچھ مشکلات کا سامنا ہو سکتا ہے۔ تاہم، حکام کا کہنا ہے کہ یہ فیصلہ قومی سلامتی کے تحفظ کے لیے ضروری تھا۔