تھرپارکر: باسکٹ بال کے امریکی کھلاڑی نے سندھ کے علاقے تھر میں شمسی توانائی سے چلنے والا پانی کا کنواں تعمیر کروادیا ۔
میڈیا رپورٹس کے مطابق 29 سالہ کائیری ارونگ کی فیملی فاؤنڈیشن نے پاکستانی این جی او ’پانی‘ کے مشترکہ تعاون سے یہ سولر واٹر پلانٹ تعمیر کرایا۔ این جی او پانی نے ٹوئٹ کرتے ہوئے اس فلاحی اقدام پر کائیری ارونگ کی تعریف کی اور شکریہ ادا کیا۔
NBA superstar and humanitarian Kyrie Irving built a Paani solar water center in Sindh with his K.A.I. Family Foundation ???????? pic.twitter.com/ELI8zOYfPr
— پانی Paani (@PaaniProject) July 28, 2021
یاد رہے کہ اس کنویں سے گاؤں کے 1000 سے زائد مکینوں کو صاف پانی میسر آئے گا جس کے ذریعے نہ صرف کھیتی باڑی کی جاسکے گی بلکہ خواتین و بچوں کو بجلی بھی دستیاب ہوگی۔ پانی نے اس حوالے سے منصوبے کی ویڈیو بھی شیئر کی جس میں پانی کی قلت کے باعث لوگوں کو درپیش مشکلات کو اجاگر کیا گیا۔
