لاہور :سابق وزیراعلیٰ پنجاب ملک مصطفی کھر کی بیٹی اور معروف ماڈل و اداکارہ آمنہ حق طویل عرصے بعد منظر عام پر آگئیں۔
تفصیلات کے مطابق پاکستانی فیشن اور ٹی وی انڈسٹری کی جانی مانی شخصیت آمنہ حق جنہوں نے کئی ڈراموں میں اپنی اداکاری کے جوہر دکھائے نے لمبے عرصے بعد سوشل میڈیا پر اپنی ایسی تصاویر جاری کردی کہ دیکھ آپ بھی کہیں گے کہ کیا یہ واقعی ہی وہی والی سپر ماڈل آمنہ حق ہے۔
2009 ءمیں فیشن ڈیزائنر عمار بلال کے ساتھ اپنی زندگی کی اننگز کا آغاز کرنے کے بعد شوبز انڈسٹری سے غائب ہونے والی اداکارہ نے جب اپنی تصاویر انسٹا گرام پر شیئر کی تو دیکھنے والے دیکھتے ہی رہ گئے۔
شیئر کی گئی تصاویر میں واضح طور پر دیکھا جاسکتا ہے کہ آمنہ حق پہلے کی طرح اب جاذب نظر نہیں رہی بلکہ ان کے چہرے پر ڈھلتی عمر کے واضح اثرات دیکھے جاسکتے ہیں اور پہلے کی طرح دبلی پتلی نظر آنے والی سپر ماڈل اب کافی فربہ ہوچکی ہیں ۔
