بھارت افغان طالبان کو سہارا دے رہا ہے، پاکستان خاموش نہیں رہے گا ، خواجہ آصف

اسلام آباد: وفاقی وزیرِ دفاع خواجہ آصف نے ایک انٹرویو میں کہا ہے کہ بھارت افغان طالبان کی پشت پناہی کر رہا ہے اور افغان سرزمین کو پاکستان کے خلاف استعمال کرکے کم شدت کی جنگ چھیڑ رہا ہے۔ ان کے مطابق اس سلسلے میں ان کے پاس شواہد موجود ہیں اور بعض مواقع پر جب طالبان کے وزیریں بھارت میں تھے تو پاکستان اور افغانستان میں جھڑپیں بھی ہوئیں۔

العربیہ کو انٹرویو میں  خواجہ آصف نے بتایا کہ افغان طالبان کی جارحیت پر پاکستانی فورسز نے بھرپور ردعمل دیا، اور ان جھڑپوں میں کئی سکیورٹی اہلکار شہید ہوئے۔ انہوں نے خبردار کیا کہ اگر افغان زمین پاکستان کے خلاف دہشت گردی یا حملوں کے لیے استعمال ہوتی رہی تو اسلام آباد خاموش نہیں بیٹھے گا اور مناسب جواب دے گا۔ خواجہ آصف نے کہا کہ پاکستان نے ہمیشہ امن کی خواہش ظاہر کی، مگر اگر کابل نے تصادم اپنایا تو پاکستان کے پاس جواب دینے کی پوری صلاحیت ہے۔

انٹرویو میں ماہِ قبل پاک بھارت تصادم کا حوالہ دیتے ہوئے خواجہ آصف نے کہا کہ اس جنگ میں بھارت کے کچھ طیارے مارگرائے گئے — ایک دعویٰ جس کا انہوں نے بارہا تذکرہ کیا اور امریکی صدر کے حوالہ جات کا بھی ذکر کیا۔

وزیرِ دفاع نے یہ بھی کہا کہ اگر طالبان حقیقتاً نئی دہلی کے ہاتھوں کنٹرول ہو چکے ہیں تو صورتحال پیچیدہ ہو جائے گی، اور ضرورت پڑنے پر پاکستان افغان حدود کے اندر بھی کارروائی کر کے جواب دے سکتا ہے۔