اسسٹنٹ کمشنر پتوکی سیلابی دورے کے دوران ہارٹ اٹیک سے جاں بحق

پتوکی:پتوکی میں اسسٹنٹ کمشنر فرقان احمد ہیڈ بلوکی سیلاب سے متاثرہ علاقے کا دورہ کر رہے تھے کہ اچانک دل کا دورہ پڑنے سے وہ انتقال کر گئے۔ ان کی میت فوری طور پر قریبی ہسپتال منتقل کر دی گئی ہے۔

ڈی جی پی ڈی ایم اے نے اس افسوسناک واقعے پر گہرا رنج و غم کا اظہار کرتے ہوئے کہا کہ فرقان احمد اپنی ڈیوٹی کے دوران سیلاب زدہ علاقوں میں خدمت انجام دے رہے تھے۔ ان کی خدمات کو ہمیشہ یاد رکھا جائے گا اور ان کے خاندان کے ساتھ پوری ایمانداری اور ہمدردی کا اظہار کیا گیا ہے۔

فرقان احمد کی اچانک موت سے علاقے میں غم کی لہر دوڑ گئی ہے، اور تمام متعلقہ حکام نے ان کے درجات کی بلندی کے لیے دعا کی اپیل کی ہے۔