معروف عالم دین مولانا طارق جمیل کو ہسپتال سے ڈسچارج کر دیا گیا

معروف عالم دین مولانا طارق جمیل کو طبیعت میں بہتری کے بعد اسپتال سے ڈسچارج کر دیا گیا۔

مولانا طارق جمیل کے بیٹے یوسف جمیل نے ٹوئٹر پر جاری پیغام میں بتایا کہ اللہ تعالی کے فضل وکرم سے مولانا طارق جمیل صاحب کو اسپتال سے ڈسچارج کر دیا گیاہے۔

یوسف جمیل نے والد کی صحتیابی کیلئے دعا کرنے والوں  کا شکریہ ادا کیا اور اپنے پیغام میں  کہا کہ آپ سب کی دعاؤں اور محبت کا بہت بہت شکریہ۔

 
https://twitter.com/YousafjamilMTJ/status/1609051717626200065

واضح رہے کہ  مولانا طارق جمیل عارضہ قلب کے باعث کینیڈا کے ایک  ہسپتال میں زیر علاج تھے جہاں  مولانا طارق جمیل کی انجیوپلاسٹی ہوئی تھی۔