لندن : چیئرمین پاکستان تحریک انصاف کے وکیل شیر افضل خان مروت نے کہا ہے کہ چیئرمین پی ٹی آئی کو نااہل بھی کیا تو پارٹی پھر بھی انتخابات میں حصہ لے گی۔
لندن میں پریس کانفرنس کرتے ہوئے انہوں نے دعویٰ کیا کہ چیئرمین پی ٹی آئی کو ڈیل کے لیے بالواسطہ پیغامات دیے گئے لیکن عمران خان نے کسی بھی ڈیل سے انکار کردیا ہے۔
واضح رہے کہ سابق وزیر اعظم کے خلاف کئی کیسز زیر سماعت ہیں اور ایک کیس میں انہیں سزا بھی ہوچکی ہے جبکہ سائفر کیس میں ان کا ٹرائل جیل میں جاری ہے اور انہیں 14 سال تک سزا ہوسکتی ہے۔
