کراچی :سابق کپتان شاہد آفریدی نے ویسٹ انڈیز کے جارح مزاج بیٹسمین کرس گیل کو خراج تحسین پیش کرتے ہوئے کہا ہے کہ ٹی ٹوئنٹی کرکٹ کے عظیم کھلاڑیوں میں سےایک ہیں، شاندار کیریئر پر کرس گیل کو مبارک باد پیش کرتا ہوں۔
One of the greatest T20I players of all time! Congratulations on a wonderful career @henrygayle . You inspired a new generation of players all around the world, go well Universe Boss ????
— Shahid Afridi (@SAfridiOfficial) November 6, 2021
نمائندہ نیو نیوز کے مطابق ڈیوین براوو نے دو روز قبل سری لنکا کے خلاف میچ کے بعد بین الاقوامی ٹی ٹوئنٹی کرکٹ سے ریٹائرمنٹ کا باضابطہ اعلان کردیا تھااور اب کرس گیل کے بارے میں بھی یہی باتیں گردش کررہی ہیں۔
شاید اسی وجہ سے آسٹریلیا کے خلاف ٹی ٹوئنٹی ورلڈکپ 2021 میں اپنی اننگز کے اختتام پر انہیں ساتھی کھلاڑیوں نے کھڑے ہوکر ڈگ آؤٹ میں خوش آمدید کہا۔
کرس گیل نے 79 میچز میں ویسٹ انڈیز کی نمائندگی کی جس میں انہوں نے 75 اننگز میں 27.92 کی اوسط سے 1899 رنز بنائے جس میں 2 سنچریاں اور 14 نصف سنچریاں بھی شامل ہیں۔
بولنگ کے شعبے کی بات کی جائے تو کرس گیل نے ویسٹ انڈیز کے لیے 29 اننگز میں مجموعی طور پر 19 وکٹیں لیں۔
