اسلام آباد دھماکے پر عالمی برادری کا اظہارِ یکجہتی: اقوام متحدہ اور عالمی طاقتوں کی شدید مذمت، صدر پیوٹن کے تعزیتی خطوط

اسلام آباد/نیویارک : اسلام آباد کی مسجد میں ہونے والے بزدلانہ دہشت گرد حملے کے خلاف عالمی سطح پر مذمت کا سلسلہ جاری ہے۔ اقوام متحدہ کے سیکرٹری جنرل سمیت دنیا کی بڑی طاقتوں نے پاکستان کے ساتھ گہرے دکھ اور یکجہتی کا اظہار کیا ہے۔
    سیکرٹری جنرل اقوام متحدہ نے واقعے کی شدید ترین الفاظ میں مذمت کرتے ہوئے اسے انسانیت سوز عمل قرار دیا اور زخمیوں کی جلد صحت یابی کے لیے دعا کی۔ روسی صدر ولادیمیر پیوٹن نے صدر آصف علی زرداری اور وزیراعظم شہباز شریف کو خصوصی تعزیتی خطوط لکھے۔ صدر پیوٹن نے دہشت گردی کے خلاف جنگ میں پاکستان کے ساتھ تعاون کو مزید مضبوط بنانے کے عزم کا اعادہ کیا۔
    امریکہ، برطانیہ اور آسٹریلیا: ان ممالک نے اپنے الگ الگ بیانات میں دہشت گردی کی مذمت کرتے ہوئے پاکستانی عوام اور متاثرہ خاندانوں سے دلی ہمدردی کا اظہار کیا ہے۔
 ایرانی وزارتِ خارجہ نے مسجد جیسے مقدس مقام پر حملے کو ناقابلِ معافی جرم قرار دیتے ہوئے جاں بحق افراد کے لواحقین سے تعزیت کی۔    افغانستان: افغان وزارتِ خارجہ نے بھی واقعے پر افسوس کا اظہار کیا اور دہشت گردی کے خلاف علاقائی تعاون کی ضرورت پر زور دیا۔