کراچی : ملک بھر میں سونے کی قیمتوں میں ایک بار پھر نمایاں اضافہ ریکارڈ کیا گیا ہے۔ آل پاکستان جیمز اینڈ جیولرز ایسوسی ایشن کے مطابق آج فی تولہ سونے کی قیمت میں 3 ہزار روپے کا بڑا اضافہ ہوا، جس کے بعد نئی قیمت 3 لاکھ 21 ہزار روپے ہو گئی ہے۔
اسی طرح 10 گرام سونے کی قیمت میں 2 ہزار 572 روپے کا اضافہ ریکارڈ کیا گیا، جس کے بعد اس کی نئی قیمت 2 لاکھ 75 ہزار 205 روپے تک جا پہنچی ہے۔
ایسوسی ایشن کے مطابق عالمی مارکیٹ میں بھی سونے کی قیمت میں اضافہ دیکھا گیا ہے، جہاں فی اونس سونا 30 ڈالر کے اضافے سے 3040 ڈالر پر پہنچ گیا ہے۔
ماہرین کا کہنا ہے کہ عالمی سیاسی و اقتصادی غیر یقینی صورتحال، ڈالر کی قدر میں اتار چڑھاؤ اور افراطِ زر جیسے عوامل سونے کی قیمتوں میں اضافے کی بڑی وجوہات ہیں۔
