اسلام آباد :وزیراعظم شہباز شریف کا کہنا ہے کہ ملکی آمدن میں برآمدات کا اضافہ حکومت کی اولین تر جیح ہے ۔
وزیراعظم کی زیر صدارت برآمدات سہولت سکیم کے حوالےسے اجلاس ہوا جس میں برآمدت سہولت سکیم کو موثر بنانے اور برآ مدی شعبے کا اس سے استعفادہ یقینی بنانے سے متعلق قا ئم کمیٹی کی عبوری سفارشات پیش کی گئیں ۔
اجلا س سے خطاب کرتے ہو ئے شہباز شریف نے کہا کہ برآمدی صنعتوں کے خام مال اور ان کی مشینری کی در آمد پر سہولت فراہم کرنے کے لیے سکیم کو مزید موثر بنانے کے حوالے سے کمیٹی سفارشات پر اس شعبے کے ماہرین سے مزید مشاورت کو یقینی بنایا جائے۔
وزیراعظم نے ہدایت دی کہ کمیٹی مزید مشاورت سے عبوری سفارشات کو حتمی شکل دے اور اس حوالےسے رپورٹ جلد پیش کرے ، اس کے علاوہ آئندہ بجٹ کی تیاری میں صنعتوں اور کاروباری تنظیموں سے مشاورت اور ان کی تجایز اور بجٹ میں شامل کیا جا ئے ، اور مقامی صنعت کو لیول پلئنگ فیلڈ کی فراہمی یقینی بنا ئے جائے ۔
اس اجلاس میں وفاقی وزرا ء احد خان چیمہ ، احسن اقبال ، محمد اورنگزیب ، سرادر اویس لغاری ، مشیر وزیراعظم سید توقیر شاہ ، علی پرویز ملک ،چئیرمین ایف بی آر راشد محمود لنگڑیال ، وزیراعظم کے کوآرڈینیٹر رانا احسان افضل اور برآمدی صنعت سے تعلق رکھنے والی مشہور شخصیات نے بھی شرکت کی ۔
