اے ڈی بی نے پاکستان کو 68 کروڑ 50 لاکھ ڈالرز قرض جاری کرنے کی منظوری دیدی

اسلام آباد: ایشیائی ترقیاتی بینک (اے ڈی بی) نے پاکستان کیلئے 68 کروڑ 50 لاکھ ڈالرز کا قرض جاری کرنے کی منظوری دیدی ہے۔ 
میڈیا رپورٹس کے مطابق ایشیائی ترقیاتی بینک (اے ڈی بی) کی جانب سے جاری کئے گئے 30 کروڑ ڈالرز کی رقم مالی اور تکنیکی طور پر مدد کیلئے فراہم کی جائے گی اور اس رقم سے انتظامی اصلاحات کے علاوہ توانائی کے شعبے کو بہتر کیا جائے گا۔ 
ایشیائی ترقیاتی بینک کی جانب سے جاری کئے گئے اعلامیہ میں بتایا گیا ہے کہ یہ رقم توانائی اور مالی شعبے میں پائیداری کے پروگرام کا دوسرا حصہ ہے جس میں سے 38 کروڑ 50 لاکھ ڈالرز صوبہ خیبرپختونخواہ میں ہیلتھ سہولتوں کو بہتر بنانے پر خرچ ہوں گے۔