جنرل سید عامر رضا کو نشانِ امتیاز (ملٹری) سے نواز دیا گیا

اسلام آباد: ایوانِ صدر میں کمانڈر نیشنل اسٹریٹجک کمانڈ جنرل سید عامر رضا کو نشانِ امتیاز (ملٹری) عطا کرنے کی پروقار تقریب منعقد ہوئی، جہاں صدرِ مملکت آصف علی زرداری نے جنرل سید عامر رضا کو نشانِ امتیاز (ملٹری) سے نوازا۔

تقریب میں وزیراعظم شہباز شریف، فیلڈ مارشل سید عاصم منیر اور سروسز چیفس نے شرکت کی، جبکہ نائب وزیراعظم و وزیر خارجہ اسحاق ڈار اور چیئرمین سینیٹ سید یوسف رضا گیلانی بھی تقریب میں موجود تھے۔

وفاقی وزرا خواجہ آصف، احسن اقبال، عطاتارڑ، رانا تنویر حسین، اعظم نذیر تارڑ اور چودھری وجاہت حسین بھی تقریب میں شریک ہوئے۔

وفاقی وزیر خزانہ محمد اورنگزیب، اسپیکر پنجاب اسمبلی محمد احمد خان، سینیٹر شیری رحمان سمیت دیگر اہم شخصیات نے بھی تقریب میں شرکت کی۔

تقریب میں جنرل سید عامر رضا کو قومی خدمات کے اعتراف میں نشانِ امتیاز (ملٹری) عطا کیا گیا۔