وزیراعلیٰ نے دو روز میں لاہور کو کچرے سے پاک کرنے کا عزم کرلیا

لاہور، وزیراعلیٰ پنجاب عثمان بزدار نے دو روز میں لاہور سے کچرا اٹھانے کا الٹی میٹم دے دیا ۔ وزیراعلیٰ نے واضع کردیا کہ جو کام نہیں کرتا اس کو فار غ کردیا جائے ۔ 

لاہور کی صفائی سے متعلق اجلاس میں وزیراعلیٰ عثمان بزدار نے شہر کی گندگی اور کچرے پر شدید غصے کااظہار کیا ۔ ان کا کہنا تھا کہ لاہور شہر کو کچرا خانہ بنادیا گیا ہے جو کسی بھی صورت میں قبول نہیں ۔ انہوں نے کہا کہ پورے شہر میں جگہ جگہ کچرا بکھرا پڑا ہے ۔ 

وزیراعلیٰ نے کہا کہ اگر دو روز میں کچرا صاف نہ ہوا تو سخت کارروائی کی جائے گی ۔ ان کا کہنا تھا کہ ہم کسی کمپنی سے بلیک میل نہیں ہوں گے ۔ 

انہوں نے ہدایت کی کہ تمام ادارے مل کر لاہور کو شفاف بنائیں اور جو انتظامیہ سے تعاون نہیں کرتا یا کام نہیں کرتا تو اس کو فارغ کردیا جائے ۔ انہوں نے ہدایت کی کہ جو بھی قانون شکنی کرے اس کے خلاف مقدمہ درج کیا جائے ۔