کرم میں سکیورٹی فورسز کا کامیاب آپریشن، افغان خارجی سمیت 4 دہشتگرد ہلاک

کرم:خیبرپختونخوا کے علاقے کرم میں سکیورٹی فورسز نے فتنہ الخوارج کے خلاف کامیاب انٹیلیجنس بیسڈ آپریشن کرتے ہوئے افغان خارجی عبیداللہ سعد سمیت 4 دہشتگردوں کو ہلاک کردیا۔

 ذرائع کے مطابق سکیورٹی فورسز نے 8 ستمبر 2026 کو خفیہ اطلاع پر کارروائی کی۔ ہلاک ہونے والا خارجی عبیداللہ سعد ولد غلام غوث صالحی افغانستان کے صوبہ لوگر کے گاؤں شاہی قلعہ کا رہائشی تھا اور کالعدم فتنہ الخوارج سے وابستہ تھا۔

 سکیورٹی فورسز نے کارروائی کے دوران دیگر 3 دہشتگردوں کو بھی ہلاک کیا۔ علاقے میں ممکنہ طور پر موجود دیگر دہشتگردوں کے خاتمے کے لیے کلیئرنس آپریشن جاری رکھا گیا۔

 صدر مملکت، وزیراعظم اور وفاقی وزیر داخلہ نے کامیاب کارروائی پر سکیورٹی فورسز کو خراج تحسین پیش کیا۔ رہنماؤں نے دہشتگردی کے خلاف جنگ میں سکیورٹی فورسز کی قربانیوں اور عزم کو سراہا۔