لاہور : پاکستان کرکٹ ٹیم کے فاسٹ بولر حارث رؤف نے اپنے گھر بیٹے کی پیدائش کی خوشخبری دی ہے۔ انہوں نے اس خوشی کے موقع پر انسٹاگرام پر ایک ویڈیو شیئر کی، جس میں وہ اپنے بیٹے کو گود میں اٹھائے ہوئے ہیں اور پس منظر میں عربی میں دعا چل رہی ہے۔
حارث رؤف نے ویڈیو کے ساتھ دل پزیر دعا بھی لکھی اور بتایا کہ انہوں نے اپنے بیٹے کا نام محمد مصطفیٰ حارث رکھا ہے۔ یہ خوشخبری ایک روز بعد سامنے آئی، جب کرکٹر شاہین آفریدی اور شاداب خان نے حارث رؤف کو بیٹے کی پیدائش پر مبارکباد دی تھی، تاہم حارث رؤف کی جانب سے اس وقت کوئی ردعمل نہیں آیا تھا۔ اب انہوں نے خود اس خوشی کا اعلان کیا ہے۔
